Feeds:
Posts
Comments

Archive for the ‘Poemata’ Category

Sancti Magi

Mense Magi primo veniunt Oriente quotannis,

  qui, ut reges solent,  dent tibi promeritum;

promeritumque, deus quod vult, hoc, nomine Nummus:

  plurima nummosis,  carboque pauperibus.

Advertisements

Read Full Post »

preme hic ut imaginem maiorem videas

       O pie pulvereis peronibus, o peregrine,

       sollicitatus qui longe miracula visum

       venisti sancto Mauri splendore phylarchi:

       accipe, Pierides quos mandarunt mihi versus,

5     Theseus ut filum ne erres urbis labyrintho.

       Optimus ille, vocant quae Archangeli, in haec loca ducens

       introitus, fiat statio ut currus ita vasta;

       ne insidiis autem occurrant simul undique nummos

       furciferi tibi quaesitum, ad stadium emporiive

10    egreditor sub suffugium; follis celebratis

       Mars illic gaudet ludis, hic Mercurio aurum

       tinnit et haud procul in mercatu as non opulenti

       sub divo; prope, quo tumulo navis requiescit

       aeria est trames maiorum in templum ineundus,

15    Baetim, perfugium lytrarum, dona secundum

       Tethyos; umbriferis gignentibus, Helios ardens

       si saevit, cuius ad ripas descendere oportet.

       Ulterius, flexu in fluvii stat martyrum eremus

       Asciscli et Victoriae, aquas missi qui onerosi

20    iussu praesidis in gelidas pedibus superarunt,

       dira, ferunt, positorum post cruciamina terra

       omnibus autumnis rosea; patrocinium urbis

       cui cum germana mammas linguamque, Dionis

       ultricem, abscissa secto mucrone tributum est,

25    busto marmoreis inibi occubat ille anaglyptis.

       Longa sinistrorsum via pistrino incipit amplo

       ad Martus appellato, quos moenia portam

       quondam habuerunt; hinc ad pontem ferrea amoris

       sponsa catenantur cancellis margine fixis.

30    Ut spatiatum oris Venerum, antiquo superatus

       ponte videtur aquae cursus, per saecula solo

       austri aditu, medioque triumphalis rutilantes

       supra candelas Raphael laete recipit nos;

       prae placidis occultat aquis circumdata priscas

35    silva molas, his mille avium clam nida recondunt;

       apparent at ab aligero haud duo nidificatae:

       a insculpto nomen duxit Sancto altera in ora

       alba Antonio; inest quae insigni, immobilis atrae

       in dextra rota regina magnum ob crepitum olim

40    disiuncta Elisabeth insomni, cum hic habitaret.

       Trans pontem ire potest nemo quin egrediatur

       turrim claustra urbis, Christi armigero mora sancto,

       noxia nobilitas in quam inclusa est, Calagurris.

       Ad finem pontis contra nos porta reversos

45    magnifica Altero, ut est inscriptum, rege Philippo

       erecta est; iterum post quam sublime triumphat

       designans urbem Raphael custos peregrini:

       nam pater affectus noctes per quinque Rotellae

       cum audisset veluti voces “campum egrediaris

50    gramineum” sibi dicentes “habeasque salutem”,

       pravum exire, timens vafro ne pelliceretur

       a Satana, esse ratus; causa vero recreandi

       exiit oblitus, lassoque in valle sedenti

       quinque equites occurrerunt, ei sicque locuti:

55    “Ossa inventa Aede in Sancti Petri veneranda,

       per quae omnes poterunt morbis evadere acerbis.”

       Quo dicto patris subito e conspectu abierunt,

       omnino et sanus mire ille est illico factus;

       sed tacuit credens rursus res daemonii esse;

60    posterius noctu quidam vir candide amictus

       paruit ad lectum obiciens de ossis tacuisse,

       quippe a martyribus cum factus certior esset

       sanctis; et qui esset stupefacto a patre rogatus,

       hic: “iuro te per Iesum Christum Crucifixum,

65    quod ego sum Raphael custos divinitus urbis.”

       Omnibus et dicta haec sic sunt inscripta triumphis.

       E regione via est inter quae antistitis aedes

       Arababis fuit olim et quod Mauri quoque templum;

       hinc propera, sagae tibi enim occurrent fugiendae,

70    quae conabuntur manum et arripere et vehementer

       roris fasciculos, quos hercule sumere noli,

       subicient: “gratis” dicent, sed retribuendos!

       Explicito at gaude remeliginibus, quia templum,

       quod visum venisti iam demum ingredieris,

75    tertium et in turris Raphaelem vertice cernes

       supremumque prius quam iter hoc confeceris intus.


ne insidiis autem occurrant simul undique nummos furciferi tibi quaesitum ... (vv. 8-9)

ne insidiis autem occurrant simul undique nummos furciferi tibi quaesitum … (vv. 8-9)

... emporii egreditor sub suffugium (vv. 9-10)

… emporii egreditor sub suffugium (vv. 9-10)

navis aeria

tumulo navis requiescit aeria (vv. 13-14)

trames secundum Baetim

est trames maiorum in templum ineundus, Baetim, perfugium lytrarum, dona secundum Tethyos (vv. 14-16)

eremus Sanctorum Martyrum

flexu in fluvii stat martyrum eremus Asciscli et Victoriae (vv. 18-19)

sarcophagus

busto marmoreis inibi occubat ille anaglyptis (v. 25)

pistrinum ad Martos

Longa sinistrorsum via pistrino incipit amplo ad Martus appellato (vv. 26-27)

serae pensiles (amoris sponsa)

ferrea amoris sponsa catenantur cancellis margine fixis (vv. 28-29)

pons Romanus

antiquo superatus ponte videtur aquae cursus (vv. 30-31)

triumphus Raphaelis in ponte

triumphalis rutilantes supra candelas Raphael laete recipit nos (vv. 32-33)

placidis occultat aquis circumdata priscas silva molas (vv. 34-35)

placidis occultat aquis circumdata priscas silva molas (vv. 34-35)

pistrinum Sancti Antonii

a insculpto nomen duxit Sancto altera in ora alba Antonio (vv. 37-38)

rota molae

insigne Cordubae

inest quae insigni, immobilis atrae in dextra rota (vv. 38-39)

pars turris Calagurris anterior

pars turris posterior

Trans pontem ire potest nemo quin egrediatur turrim … Calagurris (vv. 41-43)

porta pontis

Ad finem pontis contra nos porta reversos magnifica … (vv. 44-45)

triumphus Raphaelis

… iterum post quam sublime triumphat designans urbem Raphael custos peregrini (vv. 46-47)

dicta Raphaelis patri Rotellis

Omnibus et dicta haec sic sunt inscripta triumphis. (v. 66)

via inter aedes episcopi et templum

via est inter quae antistitis aedes Arababis fuit olim et quod Mauri quoque templum (vv. 67-68)

sagae Aegyptiacae!

sagae tibi enim occurrent fugiendae (v. 69)

turris templi

in turris Raphaelem vertice cernes (v. 75)

Read Full Post »

Abyssus

Sic demergitur haec in caecam patria abyssum

   ut Germano haustum  gurgite navigium.

Quo rector decussorum tergis toleratus

   suspensis cursum,  spes Mariana, tenet.

Read Full Post »

In consilia Mariana

Visne eruditionem
iustitiamque? solve.
Medicamina aeger? mortuus loculumne vis? resolve.
Nummis eges? merere.
Stipulatur an quis? ora.
Nonne invenis? socialia hinc. Consumpta sunt? fodare!

X – U – U – O
X – U – U – O
X – U – X – U – || X – U – X – O

Read Full Post »

Ludus epicus

Animus ludicus discere iuvat et molimina arduorum conatorum ludo tenuantur. Ego saepe meipsum experior atque ita ludo et disco.

Non mihi multum libet sphaeromachia, sed in mentem venit carmen epicum ita componere de victoriâ aciei Hispanae in certamine Europaeo novissimo ut Romani de heroibus suis. Primum ad linguam Latinam, auxilio optimi verborum modernorum indicis a José Juan del Col compositi, verba pediludica aliquae verti; sed postea putavi iucundum esse uti verbis militaribus et certamina lusoria fingere bella esse.

Introitum tantum composui antequam animum ludicum de hac re satiavi. Sed hic edo quibus studio sit.


Europam Brevium dominans manus imperitabat,
Europae contenditur at sceptro quoque quinto
anno, sublatis armis populique minantur.

acies Hispana

acies Hispana, quoque ‘acies Brevium’ vocata

Numquam ulli imperium post certamen tenuere,
nec Germani illo reges victore chamulco,
nec Galli magici duce praecursore Zidano
nec Venetus toties mundo virtute triumphans.

acies Germana 1972

anno 1972 acies Germana omnes concertatores in certamine Europaeo vicit; acies illa ‘chamulcus’ appellata est.

Inde prioribus haud ullus sperabat Hiberos
prostratis obtenturos solium neque forti
Teutonico invictove Batavo evinci et Aris vim
iam asserit et sumit spiritus acies sibi quaeque:

selección holandesa

acies Batava in ultimo certamine mundano ab acie Hispanâ victa est; post certamen illud nulla acies Batavam vicit priusquam certamen Europaeum initium habuit.

ante fremit portam leo Rufus, plumba parata
Persii habet natus, phaleras ostentat Ucrainus,
quadruplicem captat Riberus circumgredientis
umbram, Ibrahimidae Suevus, spem Navita ponit
nomineque insignis divo pedibusque Ronaldi.

rooney

‘Leo’ Rufus: Wayne Rooney (Angli ‘Leones’ vocantur)
Persii natus: Van Persie (Batavus)
‘Ucrainus’: Shevchenko
Riberus: Ribery (Gallus)
Ibrahimida: Ibrahimovic (Suevus)
Ronaldus: Cristiano Ronaldo (Lusitani ‘Nautae’ vocantur)

Nomen at instructum divum bene non timet agmen:
Materiensis quid potuit, quid vis Alamanna,
perfidus aut certamine iam moriente Batavus?

Dejong-patada-Xabi

Batavi ‘perfidi’ vocati quia in certamine mundano contra Hispanos malitiis usi sunt.

nunc redimiti alto lauris stant culmine Olympi,
auro et Pierides caelabunt carmina facti.

Read Full Post »

Futuantur!

Astrepit edenti Mariano taetra caterva
  curtandos operis qui veteresque carent,
Fabrae prognata et nutans latrat: "futuantur!"
  Tam patientium hic est immoderatus amor!
Sedibus at certe reditus sceleris erit omnis:
  nam semel atque iterum paupere forficibus
lingua secabitur e Mariano excreta, frequenti
  assecla qua specie vulturum alatur edax.

Read Full Post »

Pro te age!

Trahens asellum filius ibat et pater.
Eos videns tum quidam ait “nequiquam eunt
iumento inani pedibus ambo.” Tum pater:
“Quid tibi videtur?” “Recte monuit” filius.
Iubet pater inde filium conscendere.
Aliusque venit dicens obvius: “improbus
seni patri non dat stratum.” Dein pater:
“Putas te improbiter actum?” Desiliens “Puto”
ait. Conscendit inde pater, cùm tertius:
“Vir durus cluni tenerum non sinit vehi.”
“Tu visne sic ut ille?” “Ita censeo, pater.”
Sedet secundum et praeteriens alius: “Miser
asellus, ut macer est, duos vehit.” Pater:
“Consentis?” Filius: “Ita” Et uterque desilit.
“Ad initium, mi fili, rediimus. Quid est?
Nam inani asello primo, tum te, deinde me,
post me et te, nullo postremo iimus insuper:
non possunt, quorum est unum agendum, agi omnia
prave. Cùm igitur non possis complacere omnibus,
modò si bene agis, dare noli ulli aures: pro te age!”

Versificatio exempli II libri Iohannis Emmanuelis ‘El Conde Lucanor’

Read Full Post »

Older Posts »