Salvi sitis, lectores et lectrices qui has lineas simpliciter exaratas legitis. Ecce diarium linguae Latinae discentis ad nobilissimam inter linguas Latinam discendam deductum, namque discenti exercendum est. Hîc has res invenietis:
Roma Aeterna: multi nostrum, qui hodie Latine scribere audemus, iam ante ab Oerbergis methodo didicimus. Quidem plerique primum volumen nomine ‘Familia Romana’ cognoscunt, pauci autem secundo discere pergunt, est enim magis arduum. Tamen nequaquam ‘Familia Romana’ ad linguam Latinam bene intelligendam sufficit, qui tantum fundamenta praebet; ‘Roma Aeterna’ vero auctores classicos inducit et eorum lectio multùm prodest. Ideò quod hoc diario iis qui studium eius incohaverunt auxilium ferre conabor.
Opera Scholaris: e Lexico Totius Latinitatis discimus scholam esse “quod, ceteris rebus omissis, vacare liberalibus studiis pueri debent: esse itaque literariam occupationem, eruditam disputationem, doctrinae explicationem.” Sunt enim haec scripta scholaris studiosi, certe mendosa, sed condita ut linguam Latinam exerceam et discam. Vos quoquè exercere et discere potestis si legitis vigilanter, ut menda deprehendatis! Quarum amabo vos si mihi certiorem feceritis.
- Psychologia: de rebus psychologicis hodiernis.
- Historia Murgis: historia mei oppidi ab conditione.
- Apud Inferos: narratio scelerum neglegentiarumque in sede pro laborantibus morbo Alzheimer ubi operatus sum.
- Commentarii: notae de aliquibus auctorum Latinorum operibus.
- Ad Ludovicum: epistolae ad amicum de rebus hodiernis.
- Fabulae: aliquae fabulae breves cum affabulationibus.
- Poemata: aliquae poemata brevia.
